جرب تبص مره فى المرايا

جرب تبص مره فى المرايا .
جرب بنيه صادقه نيه غير كل النوايا.
جرب وحاول تكتشف ايه الى موجود جواك ومش جوايا.
جرب تبص جرب تشيل قناع البرئ الى ما ارتكبش فى يوم خطايا.
جرب وحاول تفتكر بكام رصاصه قتلتنى وكام شظيه من الشظايا.
جرب تبص جرب تشوف امى وابويا وحال ولادى الى سبتهم اليوم ورايا
جرب تفكر يمكن تقدر حال امى وحاله بنات الصبايا.
جرب تبص لبكره جاى وامى لسه صامته عاجزه عن الكلاااام .
جرب تشوف اخوك مكانى يمكن ساعتها لاكان ده بقى حالك ولاحالى
جرب تبص جرب وفكر فى هتقف فيه قدام رب البرايا . هتقوله ايه ؟؟؟
هتقول قتلتنى عشان كنت حابب اعبر عن الى جوايا . جرب تبص مره فى المرايا......